ستوتة
شكلك ضيفة جديدة
متلفيش و ندورى كتير
يللا دوسي على زرار التسجيل

ستوتة

منتدى نسائى للمراة فقط و للبنات
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 خطيييبك على ما تسمييه ان هنج رستريه وان ما استحملش الفيستا رجعى الاكس بى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لمضه قوى
نائبة المديرة
نائبة المديرة


عايشة فى : ارض ربنا الواسعه
عدد المساهمات : 86
تاريخ التسجيل : 01/08/2009
العمر : 23

مُساهمةموضوع: خطيييبك على ما تسمييه ان هنج رستريه وان ما استحملش الفيستا رجعى الاكس بى   السبت أغسطس 01, 2009 7:26 pm

التقل صنعه كبييييييييرة


كانوا حكيمات العائلة يقولولي ( التقل صنعة) ..
و (خطيبك علي ماتسستميه .. إن هنج رستريه.. وإن ما استحملش الفيستا .. رجعي الاكس بي) .. خطيبك علي ماتسستميه .. إن هنج رستريه .. وإن ما استحملش الفيستا .. رجعي الاكس بي ...!!
ولانه صنعة مش اي كلام ولسوء الحظ فانا لا اجيد فن الشد والجذب وللأسف اتعامل علي سجيتي ومن ثم فشلت كل الخطوبات السابقة وانا غير أسفة عليها .. فما شاء الله كان وما لم يشاء لم يكن

فمن واقع تجاربي الفاشلة قولت اقولكم حكمة اليوم وهي
التقل صنعة وظبطة ملح مايزيدش شعره

ازاي ؟!
اقولكم ازاي :

جواز صالونات والقدر اختارك والمأسوف علي شبابه دق علي بابك .. خليكي عاقلة وراسية وما تقفشيش في رقبته وتقولي عريس يمَاي
لا اهدي كدا واعقلي وادرسيه وفى قعدة التعارف اسحبي لسانك ال عشرة متر لجوه .. واشتري ولا تبيعيش ..
يعني سيبيه يرغي وانتي ردي علي الاد بكل عقل وحكمة ورزانة وفى اخر القعدة قوليلهم ادوني مهلة شهر افكر حتى لو كنتي هتموتي عليه وعريس ما تحلميش بيه




زميلك في الشغل و انتص في نظره وجاي يقولك انا معجب بيكي .. برضو اعقلي واركزي وماتدلقيش من اولها وتقوليله وانا كمان .. لا لا .. بربرشي واذبهلي واعملي نفسك مرتبكة واقوليله ايه ده انت فاجأتني
حتى لو كنتي انتي المخططة لشنكلته وبقالك سنة رايحة جاية تتلزقي فيه



ربنا كرمك واتخطبتي هنا بقي تبدأ البرمجة اللغوية العصبية للمأسوف علي شبابه وده هتلاقيه بالتفصيل في كتاب (المرأة تصنع الرجال والعيال) للمفكرة العظيمة سوسة الفقي

حب البنت تكرفك اكرف البنت تحبك للحكيم تامر حسني ..
بصراحة المقولة ديه تنطبق علي الجنسين يا تامر يعني
حبي الولد يكرفك اكرفي الولد يحبك ..
وزي ما قالوا اجدادنا القط مابيحبش الا خنَاقه ..
فيأسفني ويحز في قلبي ان اعلن ان الجنس البشري جنس نمرود مابيجيش الا بالتطنيش والكرف لكن اظهار المحبة والمودة والتفاني في الحب والاخلاص بيجيب نتايج عكسية جدا ..
فنصيحتي حبيه ولكن بعقل وماتمحيش شخصيتك وتقضي علي نفسك علشان واحد في الاخر مش هيعترف بكل تضحياتك ديه ولا هيحس بيها وهيجري ورا واحدة تديه بالشوز لان زي ما قولنا القط مابيحبش الا خنَاقه خطيبك علي ماتسستميه .. إن هنج رستريه .. وإن ما استحملش الفيستا .. رجعي الاكس بي ...!!


البنت زي طابع البوسطة تتف عليها تلزق اكتر لكن الراجل زي (التفة) يفضل يتلزق في البنت لغاية ما ينشف ..
احب اوضح الخطأ العلمي لهذه المقولة لان الطابع بيتلحس مش بيتف عليه وممكن تبلل صوباعك او سفنجة بميه الشرب وتمرره عليه
اما الشق التاني فهو صحيح جدا ولكن في حالة واحدة ان انتي تبقي كرفاه ومدياله بالشوز في الحالة ديه هيفضل يتلزق لحد ما ينول مراده بعدين هو اللي هيرميكي وزي ما البـُعدا بيقولوا
(البنت زي السيجارة تنباس وتنداس)
فلو مش عايزة تنداسي يبقي ايه ؟! (........) بالظبط كدا . خطيبك علي ماتسستميه .. إن هنج رستريه .. وإن ما استحملش الفيستا .. رجعي الاكس بي ...!!

هوي علي الفحم من بعيد لحد ما يولع .. وهدى النار ع الرز واوعي ليشيط ..
كلمات تؤكد ان التقل صنعة ولو زادت النار ع الفحم هيبقي رماد والرز هيشيط ولو قلت الفحم هيبقي بارد والرز هيبقي ني ..
يبقى لازم تتقني الصنعة وتحترفي الشد والجذب ولا للدلدقة

المأسوف علي شبابه بعتلك ايميل او رسالة فى رجل حمامة كسيحة .. عرفاكي هتتسرعي وتقرأي الرسالة ماشي هعديهالك اقرأيها وبعدين خدي نفس عميق وامسكي الرسالة عديها كام سطر وردي بربع عدد الاسطر اللي في رسالته وافتكري النصيحة السابقة هوي علي الفحم من بعيد لحد ما يولع لوحده..
وما ترديش في نفس اليوم ليقول عليكي هتموتي عليه لا طنشيه اسبوع وبعدين ردي عليه

التليفون والموبايل ..
اوعى تتصلي بيه ماعندناش بنات بيتصلوا بحد .. خليه هو يتصل على الموبايل علشان تخربي بيته فواتير و عيشيه في جو الرعب وانك خايفة مامتك تقفشك و بعدين قوليله ماما جت ماما جت واقفلي فى وشه علشان يحس بكم المعاناة والتضحية اللي بتقديمها علشان تردي عليه
(الكلام ده مع خطيبك او مع جوزك .. خصوصا جوزك ماتخرجيش معاه الا لما تتصلي بباباكي تاخدي الاذن .. هيقدرك جدا ويعرف اد ايه انتي متربيه .. وهيبعتك لباباكي بورقة شكر مزيَـلة بعبارة بنتك طالق .. قبل كدا مافيش كلام خالص في تليفونات او موبايلات ولا خروجات)
و اوعي تردي من اول رنة .. سيبيه يتصل 5 مرات .. وردي عليه بميسد كول (رنة واحدة بس) ولما يكلمك قوليله ما سمعتش الموبايل علشان كنت سرحانه بفكر فيك .. هينسي حرقة دمه طول النهار ..
وكانك دلقتي جردل ميه علي نار مولعة فهيتش ويبلعها وهو ساكت


عايزة الخطوبة تقصر وصى اهلك يخنقوا عليه .. مافيش خروجات ولا تليفونات .. انتي بنت من عائلة ومالكيش في السرمحة في االشوارع ولا الرغي في التليفونات .. هي زيارة اسبوعية في البيت ويجي اخوكي يكبس علي انفاسه .. وانتي عيشي في دور البريئة وان دول اهلك وانك ما تقدريش تعصيهم ولو عليكي عايزة تعملي اي حاجة تسعده بس ما باليد حيلة وشوية دموع تماسيحية هتلاقيه مااستحملش وقالك احنا نقصر ونتجوز ..اما لو من اياهم فهيطفش وده احدفى وراه قلة .. خطيبك علي ماتسستميه .. إن هنج رستريه .. وإن ما استحملش الفيستا .. رجعي الاكس بي ...!!


ملحوظة : الموضوع قد يبدو غريب لكن الاغرب انه حقيقي وواقعي جدا والافعال ديه مجربة من دواهي النساء و النتايج ممتازة .. وده ان دل علي شيء فيدل علي اننا في زمن غريب وافراده فقدوا التمييز والفطرة السليمة .. واصبحت العلاقة السوية الناضجة اللي يسودها التفاهم والاهتمام المتبادل علاقة مملة .. لكن العلاقة الاكشن علي غرار الافلام العربي الهابطة و حيل والاعيب المراهقين بقت هي النموذج الامثل والمرغوب فيه من الطرفين.

***********************************************
منقول من نصائح ابله سوسو للطريق إلي الكوشة


وانا مش مسئولة عن تطبيق احدى هذة النصائح
ماليش دعوة لو جابت نتائج عكسية
العيب منك انتى معرفتيش تعملى النصائح دى بدقة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور الهدى
المشرفة الشقية
المشرفة الشقية


عايشة فى : أرض الله
عدد المساهمات : 5
تاريخ التسجيل : 02/08/2009
العمر : 27

مُساهمةموضوع: رد: خطيييبك على ما تسمييه ان هنج رستريه وان ما استحملش الفيستا رجعى الاكس بى   الأحد أغسطس 02, 2009 5:09 am

السلام عليكم أولا مبارك عليك المنتدى الجديد يا ستوته
حبيبتى لمضه قوى المشرفه العسوله أنا بس عايزه أسأل هى بيانات سنك دى صحيحه يعنى عندك14 سنه فعلا .........هههههههههههههههههههههههههههههههههههههههههههههههههههههه
flower
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لمضه قوى
نائبة المديرة
نائبة المديرة


عايشة فى : ارض ربنا الواسعه
عدد المساهمات : 86
تاريخ التسجيل : 01/08/2009
العمر : 23

مُساهمةموضوع: رد: خطيييبك على ما تسمييه ان هنج رستريه وان ما استحملش الفيستا رجعى الاكس بى   الأحد أغسطس 02, 2009 8:41 pm

اه الله العظيييييييييييييم 14سنه و8شهووور كماان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البرنسيس بوسي
المديرة الاوروبة عالاخر
المديرة الاوروبة عالاخر
avatar

المزاج :
عايشة فى : البيت بتاعنا
الجنسية : فرعونية
عدد المساهمات : 54
تاريخ التسجيل : 20/06/2009
العمر : 22
الموقع : ستوتة

مُساهمةموضوع: رد: خطيييبك على ما تسمييه ان هنج رستريه وان ما استحملش الفيستا رجعى الاكس بى   الأحد أغسطس 02, 2009 10:52 pm

ههههههههههههههههههههههههههههههههههههههههههههههههههههههههههه
الموضوع جنااااااااااااااااااااااااان
واحلى ما فية الحكم
مواضيعك كلها يا لمضة100%

http://www.la7n-kh.com/4images/data/thumbnails/60/pwpnoffvcgowbwmin3nw653lif1me6ht.gif

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://satotta.banouta.net
ألوان الفرح
نائبة المديرة
نائبة المديرة
avatar

عايشة فى : مصر
عدد المساهمات : 4
تاريخ التسجيل : 03/08/2009
العمر : 21
الموقع : http://funny-girls.montadarabi.com/forum.htm

مُساهمةموضوع: رد: خطيييبك على ما تسمييه ان هنج رستريه وان ما استحملش الفيستا رجعى الاكس بى   الإثنين أغسطس 03, 2009 11:54 pm

الموضوع جنااااااااااااااااااااااااان
واحلى ما فية الحكم
مواضيعك كلها يا لمضة100%
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://funny-girls.montadarabi.com/forum.htm
لمضه قوى
نائبة المديرة
نائبة المديرة


عايشة فى : ارض ربنا الواسعه
عدد المساهمات : 86
تاريخ التسجيل : 01/08/2009
العمر : 23

مُساهمةموضوع: رد: خطيييبك على ما تسمييه ان هنج رستريه وان ما استحملش الفيستا رجعى الاكس بى   الخميس أغسطس 06, 2009 5:31 am

ربنا يخلييكم شكرا لمروووركم الجميييييييييييل يا ستوته ويا الوان الفرح وميييين تانى اه نوور الهدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور الهدى
المشرفة الشقية
المشرفة الشقية


عايشة فى : أرض الله
عدد المساهمات : 5
تاريخ التسجيل : 02/08/2009
العمر : 27

مُساهمةموضوع: رد: خطيييبك على ما تسمييه ان هنج رستريه وان ما استحملش الفيستا رجعى الاكس بى   الإثنين أغسطس 10, 2009 5:33 am

لمضه قوى كتب:
اه الله العظيييييييييييييم 14سنه و8شهووور كماان
طيب يا جميل منغير حلفانوأهم حاجه ال8شهور هههههههههههههههههههههه بس برافوعليكى Laughing Laughing I love you queen
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لمضه قوى
نائبة المديرة
نائبة المديرة


عايشة فى : ارض ربنا الواسعه
عدد المساهمات : 86
تاريخ التسجيل : 01/08/2009
العمر : 23

مُساهمةموضوع: رد: خطيييبك على ما تسمييه ان هنج رستريه وان ما استحملش الفيستا رجعى الاكس بى   الإثنين أغسطس 10, 2009 10:23 pm

ايوة دوول اهم من 14سنه نرووح فى داهية لو مقلنهووومش ههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خطيييبك على ما تسمييه ان هنج رستريه وان ما استحملش الفيستا رجعى الاكس بى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ستوتة :: اقسام الثقافة و الترفيه :: منوعات ترفيهية-
انتقل الى: